Programi "Pranë biznesit" që ka për qëllim mbështetjen e bizneseve lokale, nxitjen e iniciativave sipërmarrëse dhe nxitjen e partneriteteve publiko private është programi më i ri i bashkisë Korçë.
Ky program përfshin një sërë projektesh si sondazhet e biznesit, publikime për biznesin, takime të hapura me bizneset lokale etj. Një ndër projektet më të rëndësishme të këtij programi është projekti "Stop Informaliteti" i cili synon koordinimin e punës së bashkisë me bizneset lokale për të minimizuar informalitetin ne qytet.
Ky projekt do të shtrihet në tre faza: Faza e parë, përfshin eliminimin e informalitetit tek të gjitha subjektet që kanë njësi tregëtare dhe shërbimi. Faza e dytë, përfshin eliminimin e informalitetit tek njësi tregëtare të fshehura. Faza e tretë përfshin eliminimin e informalitetit tek tregëtarët ambulantë.
Bashkia Korçë është duke implementuar fazën e parë të këtij projekti.
Telefononi nga e hëna deri të premte, ora 08:00 – 16:00 në numrin 251844, për të denoncuar cdo rast informaliteti.
Një punonjës i drejtorisë së të ardhurave, do tju përgjigjet dhe brenda 24 orëve personat përgjegjës do të kryejnë verifikimin e rastit.
Gjithë procesi do të monitorohet online në faqen e bashkisë www.bashkiakorce.gov.al si dhe tek portali elektronik në hyrje të institucionit.
Stop Informalitetit ne Biznes
