1 Qershori ishte festa, e cila u dha mundësinë femijëve të vegjël të kopshteve dhe shkollave të qytetit, të ishin njëkohësisht edhe protagonistë edhe spektatorë. Festa e madhe e fëmijëve edhe gjatë këtij viti u zhvillua në një atmosferë të gëzueshme ku nën tingujt e muzikës fëmijët kanë kënduar, kanë kërcyer, kanë vizatuar e janë argëtuar së bashku me prindërit e gjyshërit. Në të perfomuan grupe amatorësh të fëmijëve, grupi i instrumentistëve, i baletit, i aerobisë, këngëtarë të Qendrës Kulturore të Fëmijëve. Po kështu kopshte të ndryshme përshëndetën më fabulat e tyre. Përmes kësaj feste Bashkia e Korçës apelon për më shumë të drejta dhe mundësi argëtimi për fëmijët e qytetit, më shumë ambiente çlodhëse e kreative për vogëlushët.

Festa u organizua në sajë të bashkëpunimit mes Bashkisë Korçë, Drejtorisë Arsimore Rajonale dhe Qendrës Kulturore të Fëmijëve. 

Po kështu me rastin e 1-Qershorit, Bahkia e qytetit u ka dhuruar Kopshteve 8,10 e 19 të qytetit, libra për bibliotekën e tyre si dhe mjete mesimore për të gjithë fëmijët që frekuentojnë këto kopshte. Njëkohësisht për fëmijët e Kopshtit rom janë dhuruar veshmbathje.