Finalizohet YES “Shërbime punësimi për të rinjtë”, një nga projektet më të rëndësishme të Bashkisë Korcë, në kuadrin e programit “Qyteti mbështet të rinjtë”.  Projekti YES, vjen për herët të dytë, pas projektit të vjetshëm YEP – Inkurajimi i sipërmarrësve të rinj. 

Këtë vit, ky projekt që implementohet nga Agjensia Rajonale e Zhvillimit dhe financohet nga Sorros, vjen më i kompletuar dhe me një rrjet më të gjerë partnerësh. 

Agjensia Rajonale e Zhvillimit dhe Bashkia Korcë mbështeten në realizimin e këtij projekti mbështetetn gjithashtu edhe nga Zyra Rajonale e Punësimit, Universiteti “Fan S. Noli” si dhe klubi Rotarian i qytetit. 

Projekti filloi me një risi këtë vit, kryerjen e analizës së tregut të punës, një analizë e plotë që realizohej për herë të parë në qytet, për tu njohur më mirë me kërkesat e tregut të punës si dhe për të orientuar atje ku duhej trajnimin e të rinjve punëkërkues. 

Faza e dytë e projektit vazhdoi me trajnimet e të rinjve, në fushat e përcaktuara nga analiza e tregut të punës. Rreth 100 të rinj u trajnuan tek Financa 5, njohuri kompjuteri, sipërmarrje etj. Të gjithë të rinjtë e trajnuar janë referuar në rrjetin e bizneseve locale dhe me ndihmën e projektit për Praktikat Profesionale të Zyrës Rajonale të Punës, një pjesë e tyre do të punësohen në institucionet dhe bizneset lokale. 

Faza e tretë, që kish të bënte me stimulimin e iniciativave sipërmarrëse të të rinjve konsistoi në stimulimin e 11 bizneseve të reja në qytet me lehtësi fiskale si dhe grand, financuar nga Bashkia Korce dhe Sorros. 11 të rinjtë na entuziazmuan me idetë, biznesplanet dhe impenjimin e tyre. 

11 biznese të reja, të gjitha të ndryshme nga njëra tjetra ku mund të përmendim: shërbime blerje online/DHS, internet kafe, agjensi organizmi eventesh, dyqan lulesh, zyrë përkthimesh, njësi tregëtimi ushqimor, njësi tregëtimi veshjesh, fast food etj, do t’i shtohen biznesit të vogël në qytet, në kuadër të këtij projekti. 

Certifikatat për të rinjtë fitues të grandeve të biznesit, u ndanë dje, në ambientet e Grand Hotel, në një ceremoni ku ishin të pranishëm Kryetari i Bashkisë Korcë. z. Niko Peleshi, Drejtori Ekzekutiv i Agjensisë Rajonale të Zhvillimit, z. Aurrel Grabocka, Përfaqësuese e Zyrës Rajonale të Punës. Znj. Helena Zhapa, Drejtore e Zhvillimit Ekonomik, praën Bashkisë Korcë. znj. Sofjola Kotelli, Kryetari i Shoqatës së Biznesit të Vogël, z. Albert Nasto dhe të ftuar të tjerë. 

Duke parë rezultatet e këtij projekti gjatë këtyre dy viteve, pjesëmarrjen në rritje të të rinjve, përfshirjen e tyre, impenjimin e tyre për të investuar në qytet, për të jetuar këtu, që për ne do të thotë BESIM, për një qytet më të mirë për të rinjtë, për një qytet ku ne duam të jetojmë, angazhohemi të jemi kreativë dhe të vazhdojmë të implementrojmë të tilla projekte që stimulojnë të rinjtë dhe sipërmarrjen në qytet.