Kryetari i Bashkisë së Korinthit Nevratikos Aleksandros zhvilloi nje takim me Kryetarin e Bashkisë së Korçës Niko Peleshi. Takimi zhvillohet në vazhdim të bashkëpunimit të hershëm mes Bashkisë së Korçës dhe Bashkisë së Korinthit të Greqisë. Gjatë këtij takimi,  të dy palët shprehën angazhimin dhe  vendosmërinë e tyre për ta çuar në një stad më të avancuar këtë miqësi, jo vetëm me intensifikimin e shkëmbimeve kulturore e sportive, por edhe në kuadrin e ndarjes së eksperiencave në administrimin e pushtetit lokal.

Kryetari i Bashkisë së Korinthit Aleksandros, shoqërohet nga Filarmonia e këtij qyteti, i cili përgjatë dy ditëve do të japë shfaqje në qytetin e Maliqit dhe qytetin e Korçës.