15 ndriçuesa janë zëvendësuar sot ne Lulishten “Vangjush Mio” të qytetit. Gjatë kësaj jave, Ndërmarrja e Shërbimeve Publike, në kuadër të rehabilitimit të lulishteve në qytet, ka bërë një sërë ndërhyrjesh në lulishtet e qytetit duke zëvendësuar poçat e dëmtuar të ndriçimit, duke zëvendësuar stolat e bordurat e dëmtuara si dhe duke zëvendësuar apo plotësuar koshat e vegjël të mbeturinave. Krahas Lulishtes “Vangjush Mio”, puna është shtrirë edhe në lulishtja tek shën Mëria, lulishtja tek Biblioteka e qytetit, lulishtja përgjatë shëtitores “Fan Noli” etj.

Në ditët që pasojnë puna do të shtrihet në zëvendësimin e ndriçimit tek Lulishtja “Th.Gërmenji” dhe lulishtja në krah të Stadiumit “Skënderbeu” dhe në të gjitha lulishtet e tjera në qytet. Bashkia i ben thirrje ndërgjegjes qytetare për të ruajtur dhe për të mos dëmtuar këtë punë të nisur për rehabilitimin e parqeve dhe lulishteve. Qyteti ynë duhet të meritojë emrin e mirë që mban.