Pas prezantimit gjatë muajit dhjetor të vitit të kaluar, të projektit më të ri të Bashkisë Korçë, "Karta 16-24", në një takim me nxënësit e Shkollës "Themistokli Gërmenji", u shpegua mënyra e plotësimit të formularit, në bazë të të cilit këta nxënës do të pajisen me kartën përkatëse. Janë 4 institucione shtetërore dhe mbi 16 subjekte private, që ofrojnë për të rinjtë e kësaj moshe shërbime me çmime më të ulta. Krahas kësaj, pajisja me Kartën 16-24 do t’i bëjë të rinjtë e kësaj grupmoshe pjesë të këtij grupimi të madh rinor, te cilët do të ndajnë me njëri –tjetrin pasionet, dëshirat dhe ëndrrat e tyre.

Vizioni i qytetit të Korçës në fokusin e planifikimit dhe zhvillimit urban, u prezantua në një takim të hapur me qytetarët të organizuar nga Bashkia e qytetit. Kryetari i Bashkisë së Korçës Niko Peleshi nënvizoi për të pranishmit rëndësinë e këtij takimi të hapur e të zgjeruar me të gjithë qytetarët, grupet e interesit dhe të gjithë ata që mendojnë që mund të kontribojnë për zhvillimin e qytetit.

15 ndriçues janë zëvendësuar sot ne Lulishten “Vangjush Mio” të qytetit. Gjatë kësaj jave, Ndërmarrja e Shërbimeve Publike, në kuadër të rehabilitimit të lulishteve në qytet, ka bërë një sërë ndërhyrjesh në lulishtet e qytetit duke zëvendësuar poçat e dëmtuar të ndriçimit,

Duke synuar forcimin e bashkëpunimit me bizneset lokale, si një faktor kyç për zhvillimin ekonomik të qytetit, Bashkia e Korçës organizoi takimin e parë me përfaqësuesit e bizneseve që zhvillojnë aktivitetin e tyre në qendër të qytetit.

Shkolla 9-vjeçare "Nuçi Naçi" është shkolla e parë pilot, në të cilën Bashkia e Korçës filloi fushatën e parë sensibilizuese me veprime konkrete për rehabilitimin e sipërfaqeve të gjelbra e mjediseve çlodhëse në territoret e shkollave.

Karta 16/24 prezantohet para një auditori të gjerë me të rinj të kësaj moshe në një nga sallat e Bibliotekës "Thimi Mitko". I pranishëm në këtë takim ishte edhe Kryetari i Bashkisë Niko Peleshi, i cili bashkëbisedoi me të rinjtë për rëndësinë e kësaj karte dhe përfitimet që kanë të rinjtë prej saj. Janë 19 institucione publike e private, të cilët kanë mbështetur nismën e Bashkisë për të orfuar shërbim me ulje cmimesh për të rinjtë e kësaj moshe.

Bashkia e Korçës ka filluar përgatitjet për hartimin e Planit Strategjik për Zhvillimin Ekonomik për vitet 2010 - 2015. Gjatë takimit të zhvilluar në Bibliotekën e qytetit, i cili ka konsulencën e organizatës për Autonominë e Qeverisjes Vendore, moren pjesë të gjitha grupet e interesit duke përfshirë institucionet më të rëndësishme në qytet, akademikë e intelektualë, organizata joqeveritare etj. Gjate këtyre viteve, Bashkia e Korçës e ka orientuar punën e vet duke pasur në dorë një dokument shumë të rëndësishëm siç është Plani Strategjik për Zhvillimin Ekonomik 2005-2010. Gjatë këtij takimi, u diskutua për drejtimet e përmirësimit të vizionit të saj, për një plan strategjik të qëndrueshëm e real.

Bërja e qytetit sa më social e sa më njerëzor është sfida e Bashkisë. Kështu është shprehur Kryetari i Bashkisë së qytetit të Korçës Niko Peleshi, gjatë nënshkrimit të marrëveshjes mes Bashkisë dhe Universitetit "F.S.Noli" për t’ju ardhur në ndihmë personave me aftësi të kufizuar. Në marrëveshjen e nënshkruar mes Kryebashkiakut Peleshi dhe Zv.rektorit Ali Jashari, mundësuar nga GTZ, institucionet angazhohen me veprime konkrete e të përbashkëta për t’i ardhur në ndihmë këtyre personave, të cilët pavarësisht se quhen të tillë, mund t’i vijnë në ndihmë shoqërisë duke u krijuar disa standarte specifike. Këtë detyrë, Universiteti i Korçës do ta arrijë duke angazhuar edhe studentët e tij.

Gjelbërohet lulishtja e re në Lagjen 10 të qytetit. Janë gati 60 drurë dekorativë të moshës mbi 6 –vjeçare, të cilët janë mbjellë në lulishten e re ne krah të Gjimnazit "Raqi Qirinxhi". Kryebashkiaku Peleshi, pasi pa nga afër ecurinë e punimeve dhe mbolli simbolikisht një pemë në këtë lulishte, kërkoi zgjimin e vetëdijes qytetare nëpërmjet pjesëmarrjes aktive në ruajtjen dhe gjelbërimin e mjedisve publike. Kontributi i gjithsejcilit garanton një të ardhme më të mirë dhe më të sigurt për brezat. Në sezonin e pyllëzimit, Ndërmarrja e Shërbimeve Publike të qytetit ka mbjellë rreth 1000 pemë e shkurre dekorative në qendër dhe në unazën e Korçës, duke vazhduar edhe gjatë tre muajve të ardhshëm, me të tjera mbjellje të reja në qytet dhe zëvendësimin e atyre që janë dëmtuar.

Korit "Lyra" i dorëzohet titulli i lartë " Emblema e Artë" e qytetit të Korçës.Në ceremoninë e rastit, titulli i dorëzohet, drejtuesit artistik të këtij grupi Jorgaq Nano. Vlerësohet në këtë mënyrë një nga pikat më të forta të identitetit të Korçës, e cila është jo vetëm pjesë e traditës, por pjesë e së tashmes dhe padyshim do të jetë edhe pjesë e së ardhmes.

Bibliotekës së qytetit "Thimi Mitko" i janë shtuar sot 3000 tituj të rinj, botime të fundit të shtëpive më të mira botuese shqiptare. Ka qenë një donacion prej 10 mijë eurosh i Institutit të Shkencave dhe Informacionit të Sllovenisë, i cili ka bërë të mundur pasurimin e fondit të bibliotekës së Korçës

Consorciumi izraelito –grek, të cilit i është besuar hartimi i Planit Rregullues të qytetit të Korçës, ka dorëzuar sot pranë Bashkisë së qytetit, dosjen e grupit të punës me analizën SWOT, e cila paraqet resurset dhe perspektivat mbi bazën e të cilave do të realizohet ky studim.

Pjesa qëndrore e qytetit të Korçës kompletohet me tabelat e emërtimit të rrugëve. Pas përfundimit të procesit të ëmërtimit dhe numërtimit të rrugëve nga Drejtoria e Planifikimit Hapësinor dhe Projekteve në Bashkinë Korçë, me një fond nga të ardhurat e veta, Bashkia përfundoi vendosjen e kësaj sinjalistike në Lagjet 11 e 12 të qytetit që përfshihen në Unazën e Vogël.