Shërbimi i pastrimit të qytetit bëhet nga ana e firmës së pastrimit “ Korsel” në bazë të kontratës së lidhur me Bashkinë Korçë më datën 18.03.2005 me vlefshmëri deri në datën 17.03.2010 (afat pesëvjeçar).
Puna e këtij shërbimi konsiston në zërat e mëposhtëm :
* Transporti i mbeturinave i cili bëhet me mjete teknologjike për zonat me kontenierë nga ora 03.00-07.00, ndërsa për lagjet ku nuk janë vendosur konteniere nga ora 07.00-11.00. Transportohen për në fushën e grumbullimit dhe përpunimit të mbeturinave një sasi prej 74 ton në ditë.
* Fshirja e rrugëve që perfshin një sipërfaqe prej 456428 m2 në dite dhe ky proces kryhet në stinën e verës nga ora 24.00-06.00 ndërsa në dimër nga ora 03.00-10.00. Mirëmbajtja e rrugëve bëhet nga ora 07.00-15.00.
* Lagia e rrugëve fillon në datën 1 Prill dhe vazhdon për një periudhë 180 ditore deri në datën 31 Tetor. Sipërfaqja që laget në ditë është 183.000 m2.Lagia fillon në orën 06.00-18.00.
* Përpunimi i mbeturinave bëhet në fushën e grumbullimit dhe përpunimit të mbeturinave. Ky përpunim konsiston në hapjen e gropës, shtrimin e plastmasit, disifektimin e mbeturinave, mbulimin e tyre si dhe hapjen e kanaleve kulluese rreth fushës.
* Evadimi i dëborës dhe hedhja e kripës bëhet në stinën e dimrit për të krijuar një lehtësi në qarkullimin e njerëzve dhe të mjeteve.
Kontrolli i këtij shërbimi kryhet nga supervizori i pastrimit.
Nëse do të keni probleme me pastrimin drejtohuni pranë:
Sportelit të Informacionit ose në nr e telefonit 2457-55
Siperfaqe te Gjelbra
Sektori i Gjelbërimit
Në këtë sektor punojnë 72 punonjës .
Qëllimi i këtij sektori është mirëmbajtja dhe shtimi i sipërfaqeve te gjelbërta të qytetit të cilat deri sot janë 227 618 m2 .
Dy brigada merren me mirëmbajtjen e lulishteve ekzistuese dhe ato që do
të krijohen rishtazi, një brigadë merret me remontin e lulishteve në
drejtim të bimësisë (tapet bari, shkurre dhe drurë dekorative) si dhe
me ndërtimin e lulishteve të reja. Dy brigadat e tjera , përkatësisht
brigada e Farishtes (serrave) dhe ajo e Fidanishtes , që ushtrojnë
aktivitetin e tyre në 4 ha sipërfaqe , kanë për detyrë garantimin e
materialit të nevojshëm për mbjelljen e lulishteve si, lule, shkurre e
drurë dekorativë , grumbullimin e farërave dhe riprodhimin e fidanëve
të nevojshëm për rigjenerimin e sipërfaqeve të gjelbërta , si dhe për
shitje tek të tretët.
Gjithashtu ky sektor përgjigjet për mbajtjen në gatishmëri të tualeteve publike të qytetit.
Ndricimi rrugor
Sherbim Funeral
Sektori i shërbimit funeral
Ka në përbërje 11 punonjës.
Detyrat e këtij sektori konsistojnë në mirëmbajtjen e territorit të varrezave publike dhe atyre të dëshmorëve te atdheut , kryerjen e procesit të varrimit si dhe prodhimin e materialeve të nevojshme për këtë qëllim.
Transporti Urban
Korça është nyje e rëndësishme transporti që lidh me rrugë auto Shqipërinë e Mesme me rrethet Devoll, Kolonjë e Përmet nëpërmjet Pogradecit. Në Korçë kalon rruga kombëtare që lidh Shqipërinë Juglindore me Greqinë, qytetet Selanik, Larisa etj.
Rrugët kryesore auto janë:Korçë-Elbasan-Tiranë,Korçë-Ersekë,Korçë-Bilisht- Kapshticë. Përveç rrugëve automobilistike, transporti në Korçë mund të bëhet nëpërmjet linjës hekurudhore ku kalohet në Elbasan deri në stacionin e fundit që është Guri i Kuq pranë Pogradecit.
Shërbimi i Transportit Qytetës
Shërbimi i transportit qytetës kryhet nga subjekti i transportit “ Ortakëria Korça Sh.p.k”. bazuar në kontratën e lidhur me Bashkinë Korçë në datën 04.04.2005 me një afat 5 vjeçar deri në datën 03.04.2010.
Puna e këtij shërbimi konsiston në zbatimin e pikave të kontratës në zërat e mëposhtem:
* Orari i shërbimit i cili është në periudhën 15 tetor – 31 mars nga ora 06.00-18.00 dhe për periudhen tjetër nga ora 06.00-20.00.
* Zbatimi i itinerarit te transportit urban që nënkupton respektimin e stacioneve të përcaktuara.
* Numri i mjeteve në linjë duhet të jetë ai i përcaktuar në kontratë jo më pak se tre autobusë.
* Pajisja e udhëtarëve me bileta udhëtimi
Kontrolli i këtij shërbimi kryhet nga supervizori i shërbimit urban.
Nëse do të vëreni probleme me transportin drejtohuni pranë: Sportelit të Informacionit ose në nr e telefonit 2457-55
Mirembajtja e rrugeve
Sektori i mirëmbajtjes së rrugëve dhe trotuareve
Në këtë sektor punojnë 16 punonjës.
Ky sektor ka detyrë evidentimin dhe mirëmbajtjen e rrugëve dhe trotuarëve të qytetit , mbushjen e gropave të rrugëve , vendosjen e tabelave të qarkullimit rrugor si dhe punë të tjera të këtij profili në territorin e lulishteve , atë të varrezave publike dhe atyre të dëshmorëve te atdheut.
Investime
