Drejtoria e Përkrahjes Sociale dhe Strehimit përbehet nga 4 sektorë nëpërmjet te cilëve ajo u ofron shërbimet e saj qytetareve te Korçës.

1)Sektori i Ndihmës Ekonomike

Për të realizuar transparencën e duhur me qytetarët dhe për të rritur cilësinë e shërbimeve ndaj tyre, Bashkia Korçë ju vë në dijeni se për vitin 2009 ka në dispozicion një fond prej56 milion lekësh nga fondet e deleguara nga Ministria e Punës, Çështjeve Sociale dhe Shanseve të Barabarta për trajtimin e familjeve me ndihmë ekonomike. Gjatë vitit 2008 nga Bashkia Korçë u trajtuan 1315 familje me ndihmë ekonomike 

Si Mund të Përfitohet Ndihmë Ekonomike?

Ligji "Për ndihmën ekonomike dhe përkujdesjen shoqërore" përcakton sistemin e ndihmës dhe te përkujdesjes shoqërore për të dhëne ndihmë ekonomike familjeve të shtetasve shqiptar, te cilëve ju mungojnë të ardhurat dhe mjetet e jetesës krejtësisht ose i kanë ato te pamjaftueshme. Në rastet kur është e nevojshme dhe e mundshme, në vend të ndihmës ekonomike ose si shtesë e saj, ofrohen shërbime publike të përkujdesjes shtetërore.

Nuk përfitojnë ndihmë ekonomike Shtetasit shqiptar që:

a. Banojnë jashtë shtetit
b. Janë pronarë të çdo lloj kapitali me përjashtim të shtëpisë së banimit dhe tokës bujqësore
c. Refuzojnë pjesëmarrjen në punë kur ajo ofrohet nga zyra e punësimit apo pjesëmarrje në punë e shërbime në komunitet.
d. Ndërmerr veprime të qëllimshme për të përfituar ndihmë ekonomike të pamerituar. 

Ndihma ekonomike u jepet familjeve të shtetasve shqiptar që kanë të ardhura të pamjaftueshme ose që nuk kanë të ardhura materiale jetese nga:

a. Veprimtaria ekonomike;
b. Mbrojtja shoqërore ose ndonjë sistem tjetër mbrojtjeje;
c. Kapital
d. Anëtarë të familjes jashtë shtetit

Ndihma ekonomike shpërndahet në formën e "bllok ndihmës" që nënkupton ndihmën, krejtësisht në para, e cila jepet nga shteti për qëllim të caktuar. Masa e ndihmës ekonomike mujore përcaktohet nga Këshilli i Bashkisë i cili merr në konsideratë:

a. Fondin e bllok-ndihmës
b. Vendimin e Këshillit të Ministrave në lidhje me kriteret e familjeve që nuk kanë të drejtë të përfitojnë ndihmë ekonomike.

Ndihma ekonomike është:

a. E plotë, kur mungojnë të ardhurat krejtësisht;
b. E pjesshme, kur plotëson te ardhurat të pamjaftueshme. 

Dokumentacioni i nevojshëm për përfitimin e Ndihmës Ekonomike

a. Dokumentacioni i ndihmës ekonomike për familjet qytetare:
Certifikatë familjare ku shënohet familje e vjetër dhe për ndihmë ekonomike
Vërtetim si banor i rajonit
Vërtetim nga kadastra që nuk ka tokë
Vërtetim papunësie për anëtarët e familjes mbi 18 vjeç
Vërtetim i periudhës së trajtimit me pagesë papunësie;
Librezat e punës origjinale (fotokopje e faqes së parë dhe të fundit për dorëzim)

b. Dokumentacioni për familjet që kanë ndryshuar vendbanimin nga fshati në qytet:
Dosja e përfituesit (ku të jetë trajtuar deri në momentin e shpërnguljes)

Libreza e punës (kur përfituesi ka ardhur për arsye të kërkuara ose të detyruara nga shteti);
Çertifikatë familjare e fshatit;
Deklaratat mujore të periudhës së trajtimit dhe vjetorja, të firmosura nga administratori.
Vërtetim që konfirmohet nga Zyra Rajonale, i cili përmban masën e ndihmës ekonomike dhe periudhën e trajtimit, e firmosur dhe vulosur nga drejtori i Zyrës Rajonale, Kryetari i Komunës, administratori.
Vërtetim nga Komuna për sipërfaqendhe kategorinë e tokës (firmosur dhe vulosur nga Kryetari i Komunës dhe Shefi i Kadastrës)
Certifikata e pronësisë nga hipoteka ose negativi, në mungesë të tyre tapia e tokës e firmosur, vulosur nga përgjegjësi i kadastrës dhe Kryetari i Komunës.
Dokumentet e përfitimit në qytet. 

c. Dokumentacioni për familjet që kanë ndryshuar vendbanimin nga një qytet në një tjetër:
Certifikate familjare e vendbanimit të mëparshëm ku shënohet data e largimit;
Deklaratat mujore të periudhës së trajtimit dhe vjetorja, të firmosura nga administratori.
Vërtetimi nga Zyra rajonale që përmban masën e ndihmës ekonomike dhe periudhën e trajtimit, firmosur nga Drejtori i Zyrës Rajonale, Kryetari i Bashkisë dhe administratori.
Vërtetim si banor i rajonit të qytetit te mëparshëm dhe në kadastër që nuk ka toke.
Vërtetim papunësie për anëtarët e familjes mbi 16 vjeç ose shkolle nga qyteti qe vjen.
Vërtetim i përiudhes së trajtimit me pagesë papunësie;
Librezat e punës
Vërtetim nga Zyra e Tatim-Taksave nga qyteti që vjen.
Vërtetim nga Drejtoria e Sigurimeve Shoqërore nga qyteti qe vjen;
Vërtetim nga Zyra e Regjistrimit te Automjeteve nga qyteti që vjen;
Vërtetim nga Zyra e Regjistrimit te Pasurive te Paluajtshme nga qyteti qe vjen;
Dokumentet e përfitimit të qytetit pritës. 

Qytetarët që trajtohen me ndihmë ekonomike duhet të dorëzojnë dokumentet për përfitimin e saj në njësitë administrative përkatëse nga data 1 deri në 15të çdo muaji, nga ora 09:00 - 13:00.

Familjet që pretendojnë të trajtohen për herë të parë me ndihmë ekonomike duhet të dorëzojnë dokumentet më datën 16 të çdo muaji pranë Drejtorisë së Ndihmës dhe Shërbimit Social ne Bashki.

Të dhëna për ndihmën ekonomike në vite

VITI	FAMILJEGJITHSEJ	FRYMEGJITHSEJ
2005	1800	5337
2006	1696	5041
2007	1488	4344
2008	1315	3718
2009	1274	3598

2)Sektori i shërbimit ndaj personave me aftësi të kufizuara

Shërbimet që ofron ky sektor:

Pagesën e personave me aftësi të kufizuar ( P.A.K, Paraetetraplegjikë, të Verber) pagesë që kryen çdo muaj.
Pagesën e shtesës së invalidit të punës.
Këto shërbime kryen në zbatim të ligjeve, vendimeve dhe udhëzimeve përkatëse për çdo grup invaliditeti. 

Kriteret dhe grupet që përfitojnë këto shërbime

Ne zbatim te ligjit Nr 9355 dt.10.03.2005 "Për ndihmën dhe shërbimet shoqërore"
V.K.M Nr 618 dt.07.09.2006

Personat të cilëve u është kufizuar aftësia fizike, shqisore, të intelektit, psikike, mendore të lindura apo të fituara gjatë jetës që nuk vijnë nga shkaqe që lidhen me punësimin e vërtetuar nga K.M.C.A.P
Personat paraplegjikë e tetraplegjikë të cilët deklarohen me vendim K.M.C.A.P se janë bërë të tillë pavarësisht nga shkaku dhe mosha.
Personat e verbër me mungesë të plote ose të pjesshëm të shikimit, të lindur apo të fituar të cilët sipas kritereve mjekësore janë të paaftë për punë në kushte normale.

Invalidët e punës

a. Të gjithë ata që marrin pension invaliditeti .
b. Të gjithë ata që kanë qënë invalid pune deri në momentin e mbushjes së moshës për pension.
c. Të gjithë ata që janë deklaruar ivalidë përgjithmonë. 

Dokumentacioni i nevojshëm për përfitimin e P.A.K.

Kur personi me P.A.K i cili me vendim te K.M.C.A.P. përcaktohet se ka nevojë për kujdestar përveç dokumentacionit të mësipërm duhen edhe këto dokumente shtesë.

certifikate personale me fotografi te personit kujdestar.

Deklaratë/vendim gjyqësor përkujdestarin e zgjedhur .
Raport mjekoligjor që vërteton që kujdestari është i aftë fizikisht e mendërisht. 

Për P.A.K. që ndjekin shkollën e mesme apo të lartë me apo pa shkëputje nga shkolla duhet te paraqesin dhe dokumentet shtesë:

-vërtetim nga titullari i shkollës apo sekretari me të dhënat e mëposhtme:

emri i personit
lloji i arsimit
viti shkollor 

-vërtetim të tillë çdo 3-mujor
-kopje të noterizuar të dëftesës, çdo vit të diplomës.
-vërtetim që ka shlyer detyrimet për çdo sezon, për shkollën e lartë me shkëputje nga puna. 

Masa e përfitimit përP.A.K.8700LEKE/MUAJMasa e përfitimitpërP.A.Kqe ndjekin shkollën eMESME200% te 1
Masa e përfitimitpërP.A.Kqe ndjekin shkollën eLARTE300% te 1 

Dokumentacioni i nevojshëm për përfitimin e pagesës për personat para-tetraplegjike

Baza ligjore për përfitimin e kësaj pagese është:

LigjiNr8626 dt.22.06.2000,
Ligji Nr 9506dt.03.04.2006
V.K.MNr618dt.07.09.2006. 

Dokumentacioni i nevojshëm është i njëjte me grupin e personave me aftësi të kufizuar e dhënë hollësisht me lart.

Edhe masa e përfitimit për personat paraplegjikë është e njëjtë.

Paraetetraplegjikët që kanë fituar statusinme vendim të K.M.C.A.Ppërfitojnë dhe një pagese shtesë ne masën 12000 leke/muaji për mbulimin e paketës së domosdoshme me materiale të veçanta higjeno sanitare.

Personi kujdestar i këtij grupi të personave me aftësi të kufizuarështë në masën 9200 leke/muaj.

Dokumentacioni i nevojshëm për përfitimin e pagesës për personat e verbër 

Baza ligjore për përfitimin e kësaj pagese është:
Ligji Nr 8098 dt.28.03.1996 udhezimiNr 2365dt.26.11.2008 

Dokumentat e nevojshme:

Kërkesë për trajtim
Certifikatë personale me fotografi
Vendim K.M.P.V.ose K.M.C.A.P.

Dokumentet për Personin kujdestar

Deklaratë noteriale midis personit të verbër dhe personit kujdestar.
Certifikate e kujdestarit me fotografi.
Raport mjekësor që personi kujdestar ka zotësi të plotë për te vepruar.
Masa  e pagesës dhe për personin e verbër dhe për atë kujdestar është 8700 leke/muaj.

Nxënësit e verbër që vazhdojnë shkollën e Mesme paguhen       200%
Nxënësit e verbër që vazhdojnë shkollën e Lartë    paguhen      300%

Nxënësit e përfitojnë këtë masë pagese pasi sjellin dokumentacionin shtesë si më poshtë:

Vërtetim nga titullari ose sekretari i shkollës që përmban:
Emrin, llojin e arsimit, vitin shkollor, nëse është cikël normal, me korrespodencë apo përsëritës.
Vërtetim të firmosur nga titullari për frekuentimin e shkollës çdo 3-mujor për të verbrit që frekuentojnë shkollën me korrespodencë dhe vërtetimin që kanë shlyer detyrimet.

Drejtoria e Përgjithshme e Shërbimeve Sociale Shtetërore pajis me libreze të re te verbërisë te gjithë personat e verbër .

Dokumentacioni për t’u pajisur për herë të parë me librezë:

• Certifikate personale me fotografi
• Fotografi të të njëjtit format me atë të certifikatës.
  

Dokumentacioni i nevojshem per perfitimin e shteses se invaliditetit

Baza ligjore Ligji Nr 7889  dt.14012.1994 i ndryshuar V.K.M Nr 869  dt.18.06.2008

Dokumetat  e nevojshëm

• Kerkese me shkrim
• Certifikate personale me fotografi
• Raporti i K.M.C.A.P. me vulë të njomë i shoqëruar me formularin tip nga Dega e Sigurimeve Shoqërore ku përcaktohet grupi i invaliditetit.

Pagesa behet një herë ne muaj.
Fondi i celur nga Buxheti i shtetit  per vitin 2009 per te gjithe grupet e personave me aftesi te kufizuar eshte  177400 (ne mije leke).

Numuri i personave me PAK dhe Invalide Pune ne vite:

VITI    P.A.K.    Invalide
2005    792    878
2006    886    1045
2007    982    1243
2008    1099    1386
2009    1213    1496

3) Sektori i Mbrojtjes së te Drejtave të Fëmijeve dhe Komuniteteve në nevojë

Qëllime kryesore të këtij sektori janë:

Mbrojtja e fëmijëve në nevojë (fëmijë në nevojë është ai fëmijë i cili është në rrezik dhe i dyshuar për trafikim, fëmijë i shfrytëzuar dhe i detyruar të punojë, fëmijë i abuzuar dhe i dhunuar, fëmijë i braktisur dhe i neglizhuar) ku
Kjo zyrë është përgjegjëse dhe përfaqëson Bashkinë në çështjet e të drejtave të fëmijëve
Bashkëpunimi dhe ndërmarrja e iniciativave të përbashkëta me komunitetet në nevojë dhe shoqatat me baze komunitare.


Shërbimet që ofron ky sektor janë:

• Shërbime sociale dhe psikologjike;
• Edukim, riintegrim dhe mbështetje psiko-sociale në shkollë;
• Ndërmjetësim, lehtësim dhe përkujdes shëndetësor për fëmijën;
• Këshillime, informacione dhe referime mbi kushtet dhe rreziqet e punës, formime profesionale, tregun e punës;
• Referim dhe mbështetje ligjore për fëmijët të cilëve ju janë shkelur të drejtat e tyre
• Bashkëpunim me organizatat përfaqësuese te komuniteteve Rrom dhe Egjiptian për përmirësimin e kushteve të jetesës së këtyre komuniteteve nëpërmjet projekteve të përbashkëta për zhvillim dhe integrim.
• Implementimi i aktiviteteve sociale që kanë në bazë fëmijët dhe shtresat në nevojë të qytetit tonë.

4)    Sektori i Strehimit

Sektori i Strehimit në Bashkinë Korçë funksionon mbi bazën e ligjit Nr. 9232, datë 13.5.2004 “Për programet sociale për strehimin e banorëve të zonave urbane”, i cili ka si objekt përcaktimin e rregullave dhe procedurave administrative për mënyrat e sigurimit, të shpërndarjes, administrimit dhe të planifikimit të programeve sociale për strehimin, me qëllim krijimin e mundësive për strehim të përshtatshëm dhe të përballueshëm, duke u mbështetur në aftësinë paguese të familjeve që kanë nevojë për strehim dhe për ndihmën e shtetit.

Programet sociale të strehimit të parashikuara në këtë ligj janë:

1) Programe të banesave sociale me qira në të cilat përfshihen:

Banesat, që ndërtohen apo blihen nga tregu i lirë nga bashkitë ose nga organizatat e tjera jofitimprurëse, të cilat jepen me kontratë qiraje;
Banesat ekzistuese, në pronësi të personave fizikë ose juridikë, të cilat janë klasifikuar nga organet e qeverisjes vendore apo nga organizatat jofitimprurëse si banesa sociale, që mund të jepen me qera për familjet që përfitojnë bonus strehimi;
Objektet e dala jashtë funksionit, si rezultat i mbylljes së një veprimtarie, të cilat kanë kaluar në pronësi të bashkive dhe janë miratuar për t’u kaluar në fond banesash sociale me qira, në përputhje me planin rregullues urbanistik.

2) Programe të banesave me kosto të ulët.

3) Programe të pajisjes së truallit me infrastrukturë.

Për vitin 2009 ky sektor do të zbatojë këto projekte

1) Projekti i banesave sociale me qera.

Ky projekt financohet nga kredia CEB (Banka Evropiane për Zhvillim) ne 60% te vlerës ose 1.2 milion euro dhe 40 % ose 795 000 euro kontribut i qeverisë + Bashkisë Korçë. Në total vlera e këtij projekti shkon afërsisht 2 milion euro.
Do të ndërtohen 2 pallate me gjashtë kate dhe një me shtatë kate, me gjithsej 96 hyrje.
Përparësi në përfitimin e këtyre banesave do të kenë familjet në nevojë me probleme  sociale e shëndeti, ato që banojnë në banesa të rrezikuara dhe të ardhura mujore të pakta.

2) Projekti i banesave sociale me kosto te ulet.

Zbatimi i projektit fillon ne muajin Maj te vitit 2009.
Nga Bashkia Korce është vënë në dispozicion trualli i ndërtimit dhe janë marrë masat për pajisjen e truallit me infrastrukture.
Do të ndërtohet një pallat me 35 hyrje, kati i pare dyqane.
Vlera e projektit është 114 448 329 lek.
Projekti i banesave sociale me kosto të ulët është bashkëfinancim nga buxheti i shtetit dhe Bashkia.
Përfituesit e projektit do të jenë familjet që banojnë në banesa të ish pronareve, të familjeve të tjera në nevojë për strehim dhe janë në gjendje që me mundësitë financiare që sigurojnë te përballojnë shlyerjen e kredisë.

3) Projekti i komunitetit rom.

Projekti synon ndërtimin e banesave tip dy katëshe te grupuara ne blloqe për të reduktuar koston e ndërtimit.
Kostoja totale e projektit është 86 527 708 leke. Nga ky: financim nga granti i M.P.P.T.Telekomunikacionit 64 027 708 leke dhe financim nga Bashkia Korce 22 500 000 leke.
Nga ky projekt do të përfitojnë strehim 44 familje te komunitetit rom, te cilat deri tani jetojnë ne kushte të vështira banimi
Është në proces fillimi i punimeve për zbatimin e këtij projekti.