"Korça Art" është baneri më i ri në websitin e Bashkisë Korçë. Nëpërmjet këtij baneri elektronik, do të promovojmë aktivitetet kulturore ndërkombëtare siç janë "Simpoziumi i Skulptorëve", "Kolonia e Piktorëve", "Konkursi Ndërkombëtar i Fotografisë", "Festivali Ndërkombëtar i Karnavaleve", të cilat tashmë kanë fituar statusin e aktiviteteve të traditës me organizimin e tyre të përvitshëm. Njëkohësisht në këtë baner do të ketë edhe informacion të plotë mbi aktivitetet kulturore të Qendrës Kulturore "Vangjush Mio" dhe Teatrit "A. Z. Çajupi" dhe të çdo aktiviteti tjetër të rëndësishëm, i cili do të gjenerojë vlera për qytetin tonë.

Galeria fotografike e të gjitha aktiviteteve do të jetë gjithashtu element i banerit.